ஹைக்கூ கவிதை

மரம்!

வரம் வாங்கிக்கொண்டா வந்தாய்?
மாண்டாலும் நான்தான் மற்றவர்களை
சுமப்பேன் என்று...

மரம் வெட்டி

கையில் குடம்
கண்ணில் நீர்
மரம் வெட்டிக்கும்!

அதிசயம்

காதலின் சின்னம் தாஜ்மஹால்..
உலக அதிசயங்களில் முதலிடம்...
ஆனால்... காதலை மட்டும்.....
யாரும் ஒப்புக்கொள்வதில்லை!

மச்சம்..

அழகே...
உன் உதட்டின் மேல்
அழகான புதுக்கவிதை
'மச்சம்...!'

பேருந்து

மகளிர் பேருந்தில்
அவனும் வருகிறான் என்னுடன்
'என் இதயத்தில்'

கண் அடித்ததால்...

காற்றடித்ததில் மணல்
சரிந்தது....
நீ கண் அடித்ததில்
என் இதயம்
சரிந்தது....

முதுமை?

மின்சாரத்துக்கும்
வயதாகிவிட்டதோ...
ஓல்(ட்)டேஜ் பிராப்ளம்!

நாகரீக கொள்ளை

படிக்காதவன்
பெரும் பணக்காரன் ஆனான்
பள்ளிக்கூடம் நடத்தி.....

விலைவாசி

விண்ணை தொட்டது,
அன்று சந்திராயன்,
இன்று விலைவாசி...!

தங்கம்

தாயின் தாலியை விற்று படித்தவன்
பட்டமளிப்பு விழாவில் கிடைத்தது
ஒருகிராம் தங்கம்...

கானல் நீர்

அவள் சிரித்தால்,
தரையில் சிதறியது பனித்துளிகள்,
கானல் நீர்......

ஓவியம்

சூரியன் வரைந்த
அழகான ஓவியம்
உன் நிழல்!

உயிர்கொல்லி...!

பிறப்பையே வெறுக்கவைக்கும்
ஒரே உயிர்கொல்லி நோய்
"பாசம்"!

முதிர்கன்னி

டிசம்பர் பூக்கள்
ஜனவரியிலும்
மொட்டுக்களாய்...
முதிர்கன்னி!

வால் பேப்பர்

அடுக்கு மாடிக் குடியிருப்பு
அறையெங்கும் பசுமை
வால் பேப்பரில் செடிகள்!

பாமரன்

சமுதாய
பந்தியில் படைக்கப்பட்டபின்
ஒதுக்கப்படும்
கருவேப்பில்லை!!

வாக்கிங்

நாயுடன் வாக்கிங்
இளைத்தது தினமும்
நாய்

மாது

பசியின் நிர்வாணத்தை மறைக்க
அவள் உடலை நிர்வாணம் ஆக்கினால்
விலை மாது...........

2-இன்-1

என்னை வைத்து தான் அவர்களை அடித்தார்கள்...
பிறகு என்னை வைத்தே மயக்கமும் தெளிவித்தார்கள்
நான் என்ன டூ-இன்-ஒன்னா?
-  சோடா பாட்டில்

எக்ஸாம் ஃபீவர்!

இரக்கமற்ற
கேள்விகளுக்காக
உறக்கம் அற்ற
இரவுகள்!

தலைவர்கள்

ஆட்சியில் ஆள்பவர்களை விட
மனதை ஆண்டவர்கள்
மரித்த பின்னும் வாழ்கின்றனர்